10-მა ოპოზიციურმა პარტიამ მოძრაობა "ძალა ერთობაშია" დააფუძნა.
მოძრაობის წევრები ამბობენ, რომ მათი კანდიდატი ყველაზე ძლიერი კონკურენტი იქნება ხელისუფლებისთვის.
მათივე თქმით, ისინი ბიძინა ივანიშვილის მიერ დასახელებული კანდიდატის დამარცხებას შეძლებენ.
„ნაციონალური მოძრაობის“ ერთ-ერთი ლიდერის, ნიკა მელიას განცხადებით, საერთო კანდიდატს პარტიები ხვალ წარადგენენ.
„საზოგადოება თავად დარწმუნდება, რომ ეს არის კანდიდატი, რომელიც უნდა გახდეს მთლიანად სახელმწიფოს პრეზიდენტი და ისე არა როგორც „ქართულ ოცნებას“ ჰყავს ქართული ოცნების მინისტრი, პრემიერ-მინისტრი და ა.შ. ყველასთვის მისაღები კანდიდატურა იქნება წარდგენილი ხვალ საღამოს", - განაცხადა ნიკა მელიამ.
