აშშ-ის სენატორმა ჯონ ნილი კენედმა რუსეთში ბოლო ვიზიტის შემდეგ განაცხადა, რომ რუსეთის პრეზიდენტმა პუტინმა „თავი უნდა შეიკავოს“, ხოლო მისი ნდობა არ შეიძლება, იუწყება სააგენტო Associated Press-ი.
ამერიკელი კონგრესმენებისა და სენატორების ჯგუფი 30 ივნისს რუსეთში ჩავიდა. სამშაბათს დელეგაციას ჰქონდა შეხვედრა რუსეთის საგარეო საქმეთა მინისტრი სერგეი ლავროვსა და რუსეთის პარლამენტარებთან.
"რუსეთში არ არის პოლიტიკური ფილოსოფია. ეს იგივეა რომ ვთქვათ - რა არის მაფიის პოლიტიკური ფილოსოფია. მათი ფილოსოფიაა - ფული და ძალაუფლება. ესაა პუტინის ფილოსოფია“ - განაცხადა კენედმა ჟურნალისტებთან საუბრისას.
"პუტინის ნდობა არ შეიძლება. ჩვენ მიგვაჩნია, რომ საუკეთესო რაც შეიძლება რომ გავაკეთოთ - ვეცადოთ მის შეჩერებას“ - განაცხადა სენატორმა. მან ასევე აღნიშნა, რომ არ ელის დიპლომატიურ გარღვევებს პუტინისა და ტრამპის შეხვედრისგან.
ცნობისთვის, აშშ-ის პრეზიდენტის დონალდ ტრამპისა და რუსეთის პრეზიდენტის ვლადიმერ პუტინის შეხვედრა დაგეგმილია 16 ივლისს, ჰელსინკში.
