რევაზ არველაძე კოლეგებს მოუწოდებს, თუკი პარლამენტის რეგლამენტში პარლამენტის ადგილსამყოფლად ქალაქი ქუთაისი დარჩება, სესიაზე რეგლამენტის პროექტს მხარი არ დაუჭირონ.
ეს განცხადება რევაზ არველაძემ დღეს პარლამენტის კომიტეტების გაერთიანებულ სხდომაზე გააკეთა, სადაც პარლამენტის რეგლამენტის პროექტი განიხილეს.
სხდომაზე არველაძემ ხაზგასმით აღნიშნა, რომ თავის დროზე, პარლამენტის თბილისიდან ქუთაისში გადატანის მიზანი თბილისისთვის დედაქალაქის სტატუსის დაკარგვა იყო და “ქართული ოცნების“ დაპირება იყო, რომ ამას გამოასწორებდა და ეს დაპირება უნდა შესრულდეს.
“ქართული ოცნების“ სხვა დეპუტატებიც ღიად აფიქსირებენ, რომ რეგლამენტში აღარ უნდა შენარჩუნდეს პარლამენტის ადგილმდებარეობად ქალაქი ქუთაისი.
დეპუტატების ნაწილი კი მიიჩნევს, რომ, თუკი რეგლამენტში დარჩება ქუთაისი, მაშინ შესაბამის მუხლს თბილისიც დაემატოს და შემდგომ პარლამენტის ბიურომ გადაწყვიტოს, თუ რომელ ქალაქში ჩატარდება სესიები - თბილისში თუ ქუთაისში.
