საპარლამენტო უმრავლესობის წევრი, დავით ჭიჭინაძე მომხრეა, რომ პარლამენტი ქუთაისიდან თბილისში სრულად დაბრუნდეს.
მისი თქმით, ძალიან ბევრი დრო ქუთაისსა და თბილისში მოგზაურობაში იკარგება.
„თუ საპარლამენტო კონტროლი ძლიერდება, მინისტრები სულ ქუთაისში უნდა ვატაროთ? თუ ჩვენ და მინისტრები ქუთაისში ვიქნებით, მაშინ სამინისტროებში არავინ აღარ იქნება. დრო ყველაფერს განსაზღვრავს, ძალიან ბევრი დრო მოგზაურობაში იკარგება. ქუთაისში რეგისტრაციის შემდეგ ისეთი საკითხებია, სადაც რამდენიმე დეპუტატი სამუშაო კალაპოტიდან ამოვარდნილია“, – განაცხადა ჭიჭინაძემ.
