პრეზიდენტმა დონალდ ტრამპმა 2017 წლის აგვისტოს ერთ-ერთ შეხვედრაზე თეთრ სახლში რექს ტილერსონისა და ჰერბერტ მაკმასტერის თანდასწრებით, რომელიც მაშინ იკავებდა გენერალური მდივნისა და მრჩევლის პოზიციას ეროვნული უსაფრთხოების სფეროში, ილაპარაკა ვენესუელაში შესაძლო შეჭრის თაობაზე, რეგიონალური უსაფრთხოების საფრთხის გამო. იუწყება სააგენტო Associated Press-ი, პრეზიდენტის ადმინისტრაციის წყაროზე დაყრდნობით.
"ვენესუელას პრობლემის სწრაფი გადაჭრისთვის, რომელიც ემუქრება რეგიონალურ უსაფრთხოებას, რატომ არ დაესხმება აშშ უბრალოდ თავს პრობლემურ ქვეყანას“ - ციტირებს Associated Press-ი სააგენტოს თანამოსაუბრის მხრიდან დონალდ ტრამპის სიტყვებს.
დისკუსია გრძელდებოდა მხოლოდ ხუთ წუთს. შეკრების მონაწილეებმა აუხსნეს ტრამპს, თუ როგორი ნეგატიური შედეგები შეიძლებოდა მოჰყოლოდა აშშ-სთვის ვენესუელასთან სამხედრო კონფლიქტს.
წყაროზე დაყრდნობით, ტრამპმა მაინც არ უარყო თავისი იდეა და შეხვედრის შემდეგაც განიხილავდა ვენესუელასთან და მის ლიდერთან ნიკოლას მადუროსთან დაკავშირებით სამხედრო გადაწყვეტილებების მიღების საკითხს.
წყაროზე დაყრდნობით ტრამპი ამ საკითხს განიხილავდა კოლუმბიის პრეზიდენტ ხუან მანუელ სანტოსთან ერთად.
Associated Press-ი აღნიშნავს, რომ თეთრი სახლის წარმომადგენლები ამ ინფორმაციაზე კომენტარს არ აკეთებენ.
