შინაგან საქმეთა მინისტრი, გიორგი გახარია ამერიკელ ხალხს დამოუკიდებლობის დღეს ულოცავს. მინისტრის განმარტებით, ამერიკის შეერთებული შტატები თავისუფალი და დემოკრატიული საქართველოს მშენებლობაში აქტიურად უდგას გვერდში.
"გულითადად ვულოცავ ამერიკელ ხალხს დამოუკიდებლობის დღეს!
დამოუკიდებლობა და თავისუფლება არის ის უდიდესი მონაპოვარი, რაზეც დგას სახელმწიფო. ამერიკის შეერთებული შტატები ყოველთვის მხარში გვედგა თავისუფალი და დემოკრატიული საქართველოს მშენებლობის საქმეში. მინდა მადლობა გადავუხადო ჩვენს ამერიკელ პარტნიორებს საქართველოს სუვერენიტეტის, ტერიტორიული მთლიანობის მხარდაჭერისთვის, ასევე ჩვენი ოკუპირებული რეგიონების არაღიარების პოლიტიკისა და ევროატლანტიკური ინტეგრაციის პროცესში გვერდში დგომისთვის.
აქვე მინდა მადლობა გადავუხადო ჩვენს ამერიკელ კოლეგებს კონგრესში ინიცირებული საქართველოს მხარდამჭერი ორპარტიული კანონპროექტისთვის, რომელიც უმნიშვნელოვანესი ისტორიული დოკუმენტია და რომელიც დარწმუნებული ვარ კიდევ უფრო განამტკიცებს ჩვენს სამომავლო ურთიერთობებს", - აცხადებს გახარია.
