ევროსაბჭოს წესდების შესაბამისად რუსეთი ვალდებულია გადაიხადოს თავისი წვლილი ორგანიზაციის ბიუჯეტში. განაცხადა ევროსაბჭოს გენერალური მდივნის პრესმდივანმა დენიელ ჰოლტგენმა.
ოთხშაბათს რუსეთის საგარეო საქმეთა სამინისტრომ გამოაქვეყნა განცხადება, რომელშიც მან აღნიშნა, რომ ეროვნული დელეგაციის უფლებამოსილების აღდგენის გარეშე, რუსეთი ვერ ხედავს ორგანიზაციის ბიუჯეტში თანხების შეტანის გაგრძელების შესაძლებლობას.
"ჩვენ შეგახსენებთ რუსეთის ფედერაციის ვალდებულებებს ორგანიზაციის წესდებაში - გადაიხადოს მისი ფინანსური წვლილი", - განაცხადა ჰოლტგენმა.
მან ხაზი გაუსვა, რომ შენატანის საკითხი "არ არის ორგანიზაციის არც პოლიტიკური და არც იურიდიული ასპექტი“ და მოუწოდა რუსეთს მთლიანად დაფაროს თანხა, რომელიც მას აქვს გადასახდელი 2017 წლიდან.
რუსეთის მხრიდან შენატანის გადახდის ვადა ევროსაბჭოს ბუჯეტში 2018 წლის 30 ივნისს ამოიწურა.
პირველად 2014 წლიდან ევროსაბჭოს საპარლამენტო ასამბლეის სხდომაზე მიღებულ იქნა გადაწყვეტილება ოქტომბრის სესიაზე დელეგაციის უფლებამოსილებათა და კენჭისყრის უფლების შესახებ ანგარიშის განხილვის შესახებ.
