აჭარის მთავრობის თავმჯდომარემ ზურაბ პატარაძემ პოსტი დატოვა. ბრიფინგზე პატარაძემ 2 წლიანი მუშაობის შედეგები შეაჯამა და ტურიზმის დივერსიფიცირებაზე ისაუბრა.
პატარაძემ მისი მმართველობის დროს დაწყებულ პროექტებზეც ისაუბრა და განაცხადა, რომ მის დროს „სიტყვა საქმეთ იქცა“.
პატარაძემ თქვა ისიც, რომ "ქართული ოცნების" მხარდამჟერად რჩება და სამომავლოდაც იქნება გუნდი წევრი.
"ეს არის ჩვეულებრივი როტაცია და აბსოლუტურად სწორი, მე ადრე ვიყავი ელჩი და დადგა დრო უნდა წავსულიყავი სხვა ქვეყანაში ან დავბრუნებულიყავი. ეს არის ჩვეულებრივი პროცესი, ახლაც, მე ვარ გუნდის წევრი. ეს არ ნიშნავს, რომ მე არ გავაგრძელებ მუშაობას, მალევე გაიგებთ სად და როგორ " - თქვა ზურაბ პატარაძემ.
რაც შეეხება მის შემცვლელს, პატარაძის განცხადებით თავად არის ჩართული კანდიდატურების შერჩევის პროცესში და უახლოეს მომავალში გახდება ცნობილი ვინ იქნება.
გავრცელებული ინფორმაციით, აჭარის მთავრობის მეთაურის პოსტზე რამდენიმე კანდიდატურა განიხილება, მათ შორისა საქართველოს ენერგეტიკის განვითარების ფონდის დირექტორი თორნიკე რიჟვაძე, უმაღლესი საბჭოს დეპუტატი ცოტნე ანანიძე, აჭარის განათლების მინისტრის მოადგილე ბადრი ნაკაშიძე და აჭარის ჯანდაცვის მინისტრი ზაალ მიქელაძე განიხილებიან. პირველ ეტაპზე, შესაძლოა, მთავრობის თავმჯდომარის მოვალეობა ჯანდაცვის მინისტრმა ზაალ მიქელაძემ შეასრულოს.
