აშშ-ის პრეზიდენტი დონალდრ ტრამპს ეჭვი არ ეპარება, რომ 2016 წლის ამერიკის არჩევნებში რუსეთი ერეოდა. განაცხადა თეთრი სახლის ოფიციალურმა წარმომადგენელმა ჰოგან გიდლმა.
"მას ეჭვი არ ეპარება ამაში. პრეზიდენტმა გასაგებად აღნიშნა, რომ რუსეთი ჩაერია აშშ-ის არჩევნების მსვლელობაში" - განაცხადა გილდმა სენატში გამოსვლისას.
სამშაბათს, აშშ-ის სენატის დაზვერვის კომიტეტმა გამოაქვეყნა არასაიდუმლო ანგარიში, სადაც მხარი დაუჭირა 2017 წლის დაზვერვის დასკვნებს, იმ საკითხთან დაკავშირებით რომ რუსეთი ჩაერია 2016 წელს აშშ-ში მიმდინარე საპრეზიდენტო არჩევნებში, რათა ძირი გამოეთხარა დემოკრატიისთვის.
მედიის შეკითხვას, ყირიმის თაობაზე აშშ-ს პრეზიდენტის პოზიციისა გიდლმა უპასუხა, რომ „ჩვენ არ ვაღიარებთ რუსეთის პოლიტიკას ყირიმის ანექსიის შესახებ“.
შეგახსენებთ, რომ მანამდე ჟურნალისტების მიერ დასმულ კითხვაზე ტრამპის მიმართ, აღიარებს თუ არა ის ყირიმს რუსეთის ტერიტორიად, ტრამპმა უპასუხა - „ვნახოთ“.
შეხვედრა ორი ქვეყნის პრეზიდენტებს შორის 16 ივლისს ფინეთის დედაქალაქ ჰელსინკში გაიმართება.
