ნიუ იორკში თბილისზე იაფი მხოლოდ ტანსაცმელია. ასეთია საიტის Expatistan მონაცემები.
პორტალის ცნობით, შეერთებულ შტატში ტანსაცმელის შეძენა საშუალოდ 11%-ით ნაკლები დაგიჯდებათ, მათ შორის ჯინსის შარვალი დაახლოებით 17%-ით იაფია, საზაფხულო კაბა 16%-ით, სპორტული ფეხსაცმელი კი 23%-ით. ამასთან, ნიუ-იორკში საშუალოდ 50%-ით ძვირი ჯდება ტყავის ფეხსაცმელის ყიდვა.
რაც შეეხება სხვა ხარჯებს, ნიუ იორკში თბილისთან შედარებით 190%-ით ძვირია საკვები, 417%-ით - საცხოვრებელი, 235%-ით - ტრანსპორტირება, 154%-ით - გართობა.
მთლიანობაში, ნიუ იორკში, თბილისთან შედარებით, ცხოვრება საშუალოდ 228%-ით ძვირია.
მსოფლიოში კი თბილისი ერთ-ერთი უიაფესი ქალაქია. 348 შესწავლილი ქალაქიდან, თბილისი 326 ადგილზეა.
საქართველო კი 106 შესწავლილი ქვეყნიდან 97-ე ადგილზეა. ძვირი ქვეყნების რეიტინგში კი ბერმუდა, ისლანდია და კაიმანის კუნძულები ლიდერობენ.
