გერმანია უკანონო მიგრაციის წინააღმდეგ ბრძოლის ფარგლებში აფართოვებს საზღვრებზე დამატებით კონტროლს. განაცხადა დღეს ბუნდესტაგში ფრაქცია ქრისტიან დემოკრატიული და ქრისტიან სოციალური კავშირის ხელმძღვანელმა ფოლკერ კაუდერმა.
მანამდე, გერმანიის შინაგან საქმეთა მინისტრმა და ქრისტიან სოციალური კავშირის წარმომადგენელმა ჰორსტ ზეეხოფერმა და გერმანიის კანცლერმა ანგელა მერკელმა მიაღწიეს კომპრომისულ გადაწყვეტილებას მიგრანტების საკითხში. კომპრომისი ითვალისწინებს გერმანიში შეიქმნას ტრანზიტული ცენტრი, სადაც მიგრანტებს იქნებათ საშუალება გაჩერდნენ, ვიდრე მოხდება მათი ევროკავშირის სხვა ქვეყანაში დეპორტაცია, სადაც ისინი თავდაპირველად იყვნენ დარეგისტრირებულნი.
"ავსტრიასთან პარალელურად ჩვენ ასევე დაველაპარაკებით იტალიას და გავაფართოვებთ დამატებით კონტროლს საზღვრებზე“ - განაცხადა კაუდერმა ბერლინში. კონტროლი მოიცავს დოკუმენტების და პირადობის დამადასტურებელი მოწმობების შემოწმებას.
"შეთანხმება ქრისტიან დემოკრატიულ და ქრისტიან სოციალურ კავშირს შორის მიგრაციის რეგულირებისთვის საზღვრებზე მიიღო ფრაქციების დიდი მხარდაჭერა ბუნდესტაგში.
ჰორსტ ზეეჰოფერმა და კანცლერმა ანგელა მერკელმა განაცხადეს, რომ მისი რეალიზაცია დაიწყება უახლოეს მომავალში.
