დარგობრივი ეკონომიკისა და ეკონომიკური პოლიტიკის, ადამიანის უფლებათა დაცვისა და სამოქალაქო ინტეგრაციის, რეგიონული პოლიტიკისა და თვითმმართველობისა და ჯანმრთელობის დაცვისა და სოციალურ საკითხთა კომიტეტებმა გაერთიანებულ სხდომაზე მთავრობის სტრუქტურულ რეორგანიზაციას მხარი დაუჭირა. სხდომაზე არსებული სახით სტრუქტურულ რეორგანიზაციასთან დაკავშირებით წინააღმდეგობა დააფიქსირა საპარლამენტო უმცირესობის წევრმა ზურაბ ჭიაბერაშვილმა. მან კენჭისყრაში მონაწილეობა არ მიიღო.
სტრუქტურულ რეორგანიზაციასთან დაკავშირებულ კანონპროექტს მხარი დაუჭირეს ასევე განათლების, მეცნიერებისა და კულტურის, სპორტისა და ახალგაზრდულ საქმეთა კომიტეტების გაერთიანებული სხდომაზეც, თუმცა განათლების კომიტეტის თავმჯდომარემ მარიამ ჯაშმა კანონპროექტის მხარდაჭერისგან თავი შეიკავა.
