ავსტრიის მთავრობა მზად არის მიიღოს ზომები, რათა დაიცვას ქვეყნის სამხრეთ საზღვარი მიგრანტებისგან, გერმანიასთან შეთანხმებას მიღწევის შემდეგ. ნათქვამია ავსტრიის კანცლერის სებასტიან კურცის, ვიცე კანცლერის ჰაინც-კრისტიან შტრახეს და ქვეყნის შს მინისტრის ჰერბერტ კიკლის ერთობლივ განცხადებაში.
მანამდე, ქრისტიან სოციალური კავშირის წარმომადგენელმა ჰორსტ ზეეჰოფერმა განაცხადა, რომ პარტიამ შეძლო მიეღწია მიგრანტების საკითხთან დაკავშირებით შეთანხმებისთვის ქრისტიან დემოკრატიული კავშირთან, რომლის მეთაურიცაა გერმანიის კანცლერი ანგელა მერკელი და დასძინა, რომ სურს დარჩეს გერმანიის შინაგან საქმეთა მინისტრის თანამდებობაზე.
"ქრისტიან დემოკრატიული და ქრისტიან სოციალური საბჭოს შეთანხმება იმაზე მეტყველებს, რომ გერმანიას სურს შემოიტანოს ეროვნული ზომები მიგრაციის პოლიტიკასთან საბრძოლველად. თუკი ეს შეთანხმება იქცევა გერმანიის ხელისუფლების პოზიციად ჩვენ იძულებულები გავხდებით ვიმოქმედოთ, რათა თავიდან ავიცილოთ ზიანი ავსტრიისთვის და მისი მოსახლეობისთვის. ფედერალური მთავრობა მზადაა ჩვენი სამხრეთ საზღვრების დასაცავად“ - ნათქვამია განცხადებაში.
იგი ასევე აღნიშნავს, რომ ავსტრიის ხელისუფლება გერმანიის მთავრობის მხრიდან სწრაფი განმარტებას ელის.
ცნობისთის, პარასკევს ევროკავშირის 28 წევრმა ქვეყანამ ხმა მისცა შეთანხმებას მიგრაციის საკითხთან დაკავშირებით.
