სათვალთვალო კამერის დათვალიერების ოქმში, სადაც ბრალდებული თენგიზ კალანდია და მასთან ერთად მყოფი მირზა სუბელიანი არიან ასახული, სუბელიანი “უცნობ მამაკაცად“ არის მოხსენიებული. ოქმი 2018 წლის 24 იანვარს არის შედგენილი. ოქმი და მასთან ერთად სათვალთვალო კამერის მასალა დეპუტატმა ირაკლი აბესაძემ პარლამენტის საგამოძიებო კომისიის სხდომაზე წარადგინა და აღნიშნულთან დაკავშირებით შს სამინისტროს წარმომადგენლებს სთხოვა, განემარტათ, მათ მითითება ჰქონდათ, რომ ოქმებში მირზა სუბელიანი არ ყოფილიყო მოხსენიებული, თუ მართლა ვერ დაადგინეს 2018 წლის 24 იანვარს მირზა სუბელიანის ვინაობა მაშინ, როცა მან 2017 წლის 4 დეკემბერს აღნიშნულ საქმეში შვილის არსებობის გამო დაკავებული თანამდებობა დატოვა. ამათან, აბასაძემ ხაზგასმით აღნიშნავს, რომ ვიდეო-სათვალთვალო კამერაში ასახული ყველა სხვა დეტალი ოქმში ასახულია, გარდა მირზა სუბელიანისა. საქმის გამომძიებელმა, ირაკლი ფიფიამ, განაცხადა, იმ დროისთვის, როცა მან სათვალთვალო კამერები ნახა, მირზა სუბელიანს არ იცნობდა და მისი ვინაობა დადგენილი არ იყო. ასეთივე განმარტებები დღეს კომისიის სხდომაზე შს სამინისტროს სხვა წარმომადგენლებმა.
