"ერთიანი ნაციონალურ მოძრაობის" პოლიტიკური საბჭოს თავმჯდომარე ნიკა მელია , პარლამენტში, თავდაცვის მინისტრ ლევან იზორიას დაბარებას მოითხოვს.
"დადასტურდა ის, რასაც ექვსი წლის განმავლობაში ვამბობდით,რომ რუსეთს ყველა უწყებაში -თავდაცვის სამინისტრო, შსს და ა.შ. თავისი წარმომადგენლები, ჯაშუშები ჰყავს. მათ კი ფულს ჩვენი ქვეყნის ხელისუფლება უხდება.
ქვეყანაში წამლად ვერ ნახავთ ტენდერს, რომელიც იფიციალურად ტარდება და ამ დროს ვხედავთ 21 ტენდერი როგორ მოიგო ჯაშუშმა, რომელმაც აღიარა, რომ არის ჯაშუში! მეტიც, გვახსოვს, რომ რუსეთმა მისი გაცვლა მოითხოვა.
სასწრაფოდ უნდა ჩაინიშნოს თავდაცვისა და უშიშროების კომიტეტის რიგგარეშე სხდომა ხვალ, სადაც ოფიციალურად დავიბარებთ იზორიას და გახარიას. ასევე, ბატონმა პრეზიდენტმა აღნიშნულ საკითხზე სასწრაფოდ უნდა მოიწვიოს უშოშროების საბჭოს სხდომა.
ჩვენ ან ჩვენ ვიბრძვით სუვერენიტეტის შენარჩუნებისა და განმტკიცებისთვის ან ქართული ოცნების ხელისუფლებამ ღიად განაცხადოს, რომ დავნებდით და ჩავბარდით რუსეთის ფედერაციას.
სახელმწიფოებრიობის საფუძვლები არის მოშლილი და მთლიანადაა ჩამოშლილი თავდაცვისა და უშიშროების სისტემა", - განაცხადა მელიამ.
