ჯგუფ "ქუჩის ბიჭების" სოლისტი ირაკლი ნოზაძე ღუდუშაურის კლინიკიდან გაწერეს.
გაწერამდე რამდენიმე საათით ადრე "ჯი-ეიჩ-ენს" კლინიკაში განუცხადეს, რომ მომღერლის ჯანმრთელობის მდგომარეობა დამაკმაყოფილებელი იყო.
ირაკლი ნოზაძეს დღეს კლინიკაში გამომძიებლები რამდენიმე საათის განმავლობაში კითხავდნენ.
შეგახსენებთ, რომ ირაკლი ნოზაძე 25 ივნისს, საღამოს, წერეთლის გამზირზე ცივი იარაღით დაჭრეს. მას ღუდუშაურის კლინიკაში ოპერაცია ჩაუტარდა. მომღერალი ხელოვნური სუნთქვის აპარატიდან 27 ივნისს მოხსნეს.
ნოზაძის განზრახ მკვლელობის მცდელობასა და დანაშაულის შეუტყობინებლობაში ბრალდებულ ორ ქალს, თამთა ჯანჯღავასა და ნათია თოფურიას თბილისის საქალაქო საასმართლოს გადაწყვეტილებით, გუშინ პატიმრობა შეეფარდათ.
