"კომისიამ 2 რეკომენდაციის პროექტი წარმოადგინა. ჩვენ გავეცანით ამ შინაარსს და რა თქმა უნდა ვეთანხმებით. აქ ძირითადად დასმულია საკითხი, რომელიც გამოძიებას უნდა შეესრულებინა და ამაზე მსჯელობა არ უნდა ყოფილიყო. მნიშვნელოვანია დაიწყოს გამოძიება იმ პირის მიმართ, რომელსაც ცნობილია, რომ ჭრილობა აქვს მიყენებული და დღემდე ამ კუთხით არანაირი ნაბიჯი არ გადადგმულა", - განაცხადა ჟურნალისტებთან ხორავას ქუჩაზე მოკლული დავით სარალიძის მამის, ზაზა სარალიძის ადვოკატმა, ნესტან ლონდარძემ.
როგორც ის განმარტავს, საქმეში არსებული მასალებიდან გამომდინარე ყველა ის კითხვის ნიშანი ლეგიტიმურია, რაც საგამოძიებო კომისიას ამ ეტაპამდე გაუჩნდა.
ცნობისთვის, ორი მოზარდის მკვლელობის ფაქტის შემსწავლელი პარლამენტის დროებითი საგამოძიებო კომისიის წევრები სახალხო დამცველის აპარატისა და არასამთავრობო ორგანიზაციების წარმომადგენლებს ხვდებიან. შეხვედრაზე საგამოძიებო კომისიის მუშაობის დეტალებსა და რეკომენდაციებს განიხილავენ.
