კიევი მზად არის მოსკოვს გადასცეს რუსეთის 23 მოქალაქე, რომლებიც უკრაინაში არიან მსჯავრდებულნი, 23 უკრაინის მოქალაქის სანაცვლოდ, რომლებიც მსჯავრდებულნი არიან რუსეთში. ასეთი განცხადება გააკეთა უმაღლესი რადას ადამიანის უფლებათა დაცვის წარმომადგენელმა ლუდმილა დენისოვამ პრესკონფერენციაზე, რომლის ტრანსლაციაც პირდაპირი ეთერით ხდებოდა.
მან დასძინა, რომ ეს შეიძლება გაკეთდეს როგორც ექსტრადიციის, ასევე გაცვლის ფარგლებში.
ამასთან დენისოვამ აღნიშნა, რომ გეგმავს „ნორმანდიის ფორმატის“ მონაწილე, ასევე ევროკავშირისა და აშშ-ის ქვეყნის ელჩების ინფორმირებას, იმასთან დაკავშირებით, რომ მათ ვერ მოახერხეს უკრაინელების მონახულება, რომლებიც რუსეთში არიან გასამართლებულები. ასევე მან განაცხადა, რომ სურდა ამის შესახებ განეცხადებინა ევროსაბჭოს ადამიანის უფლებათა დაცვის კომისარისთვის.
მედიაში არაერთმნიშვნელოვნად გავრცელდა ინფორმაცია მსჯავრდებულთა გაცვლის შესაძლებლობის შესახებ. ცოტა ხნის წინ, ორივე ქვეყნის ომბუდსმენმა გამოიყენა მცდელობა თავიანთი მოქალაქეები მოენახულებინათ ციხეში, თუმცა ამის განხორციელება ვერ მოხერხდა.
