ევროკავშირის სამიტის მონაწილეები შეთანხმდნენ, რომ რუსეთმა უნდა აღიაროს პასუხისმგებლობა მალაიზიური „ბოინგ 777“-ის ვარდნის შესახებ, რომელიც ჩამოგდებული იქნა უკრაინის ტერიტორიაზე 2014 წელს.
"ევროსაბჭო კიდევ ერთხელ ადასტურებს თავის სრულ მხარდაჭერას გაეროს უშიშროების საბჭოს 2166 რეზოლუციაზე, რომელიც ეხება ჩამოგდებულ რეისს - МН17-ს. ის მოუწოდებს რუსეთის ფედერაციას აღიაროს პასუხისმგებლობა და ითანამშრომლოს სიმართლის, სამართლიანობისა და პასუხისმგებლობის დასადგენად“ - ნათქვამია ბრიუსელში მიმდინარე ევროსაბჭოს სამიტის პირველივე დღის საბოლოო დოკუმენტში.
"ბოინგ-777" ავიაკომპანია Malaysia Airlines-ს ეკუთვნოდა, რომელიც ასრულებდა რეისს MN17 ამსტრერდამი-კუალა-ლუმპური. ის ჩამოგდებულ იქნა დონეცკის რაიონში 2014 წლის 17 ივლისს. მის ბორტზე იმყოფებოდა 298 ადამიანი. ყველა მათგანი დაიღუპა.
