გამოძიებას და სასამართლოს ხელს არაფერში შევუშლი და ვიქნები ჩემს შვილებთან ერთად, - ამ სიტყვებით მიმართა მოსამართლე გიორგი კერატიშვილს ჯგუფ "ქუჩის ბიჭების" წევრის, ირაკლი ნოზაძის დაჭრაში ბრალდებულმა თამთა ჯანჟღავამ.
დაცვის მხარემ სასამართლოს მისი 5 000 ლარიანი გირაოს სანაცვლოდ გათავისუფლების შუამდგომლობით მიმართა.
როგორც ჯანჯღავას ადვოკატმა განმარტა, ჯანჯღავა ორი მცირეწლოვნის, 5 და 6 წლის შვილების დედაა, სახლში კი მოხუცი ბებია ჰყავს და ოჯახის მარჩენალი თავადაა. ადვოკატის განმარტებით, თუკი, სასამართლო მკაცრ აღკვეთის ღონისძიების სახეს - პატიმრობას გამოიყენებდა, ბავშვები უპატრონოდ დარჩებიან. ადვოკატის თქმითვე, ჯანჯღავას ბებიაც და დედაც მძიმე სენით არიან დაავადებულები და ისინი ბავშვების პატრონობას ვერ შეძლებენ.
ამ წუთებში სასამართლო ბრალდებულებისთვის აღკვეთის ღონისძიების შეფარდებაზე მსჯელობს.
