ბრიუსელში გამართულ ევროკავშირის სამიტზე, ცოცხალი დებატები გაიმართა მიგრანტების ნაკადის შეზღუდვის საკითხთან დაკავშირებით. განსაკუთრებით მკაცრი პოზიცია დაიკავეს ამ საკითხთან მიმართებაში რომმა და ბერლინმა. შედეგად მიიღეს გადაწყვეტილება ევროკავშირის ქვეყნებში ლტოლვილების რაოდენობის შემცირების შესახებ.
მიგრანტების ნაკადის კონტროლს აიღებს სპეციალური ცენტრი. გარდა ამისა, გადაწყვეტილია გაიზარდოს დაფინანსება თურქეთის, მაროკოსა და ჩრდილოეთ აფრიკის ქვეყნების, რათა შეამცირონ მათი რიცხვი, ვისაც ევროკავშირში შესვლა სურს. იგეგმება ასევე კონტროლის გამკაცრება გარე საზღვრებზე.
"ცხრა საათიანი დებატების შემდეგ მიღებულ იქნა შეთანხმება. ეს არის გამარჯვება ევროპული თანამშრომლობის" - განაცხადა საფრანგეთის პრეზიდენტმა ემანუელ მაკრონმა.
გერმანიის კანცლერმა ანგელა მერკელმა აღნიშნა, რომ მიუხედავად მიღწეული მოლაპარაკებებისა, ევროკავშირის ზოგი ქვეყანა ამ გადაწყვეტილების მიღების წინააღმდეგი იყო.
იტალიის პრემიერ-მინისტრი ჯუზეპე კონტე აცხადებს, რომ დაკმაყოფილებულია მოლაპარაკება მიგრაციის საკითხებთან დაკავშირებით. „ეხლა უკვე იტალია არაა მარტო“. გარდა ამისა მან აღნიშნა, რომ ჯერ არ მიუღიათ გადაწყვეტილება იმის შესახებ იქნება თუ არა შექმნილი ცენტრი, რომელიც მიიღებს მიგრანტებს იტალიის ტერიტორიაზე.
