“სამედიცინო ბიზნეს კონსალტინგის ჯგუფს” კომერციულ საქმიანობასთან კავშირი ნამდვილად არასოდეს ჰქონია, - ასე უპასუხა საქართველოს პრემიერ-მინისტრმა მამუკა ბახტაძემ ჟურნალისტის კითხვას, რატომ გამორჩა მას დეკლარაციაში არასამეწარმეო იურიდიული პირი “სამედიცინო ბიზნეს კონსალტინგის ჯგუფი,” რომელიც 12 წლისწინ, 2006 წელს ორ პირთან ერთად დააფუძნა და მისი გამგეობის წევრიც იყო.
პრემიერ-მინისტრმა აღნიშნა, რომ “სამედიცინო ბიზნეს კონსალტინგის ჯგუფი” არის არასამეწარმეო ორგანიზაცია და ის წესით დახურული უნდა იყოს.
„ის, როგორც არასამეწარმეო ორგანიზაცია წესით დახურული უნდა იყოს. ამ ორგანიზაციას კომერციულ საქმიანობასთან კავშირი ნამდვილად არასოდეს ჰქონია“, - აღნიშნა პრემიერ-მინისტრმა.
