ბატონო მოსამართლე, ამ ფაქტს არ ვეთანხმები, "პიკასოს" მოკვლა ნამდვილად არ მინდოდა, - ამ სიტყვებით მიმართა თბილისის საქალაქო სასამართლოს მოსამართლე გიორგი კერატიშვილს ჯგუფ "ქუჩის ბიჭების" წევრის, ირაკლი ნოზაძის დაჭრაში ბრალდებულმა თამთა ჯანჯღავამ.
ამ წუთებში სასამართლო მომღერლის დაჭრასა და დანაშაულის შეუტყობინებლობაში ბრალდებულების, თამთა ჯანჯღავასა და ნათია თოფურიას პროცესი მიმდინარეობს.
როგორც ცნობილია, დღევანდელ სხდომაზე ჯანჯღავას ადვოკატი მისი 10 000 ლარიანი გირაოს სანაცვლოდ გათავისუფლების შუამდგომლობას დააყენებს, ბრალდების მხარე კი მათ პატიმრობაში დარჩენას მოითხოვს.
სახელმწიფო ბრალდება ჯანჯღავას ირაკლი ნოზაძის განზრახ მკვლელობის მცდელობას, ნათია თოფურიას კი, დანაშაულის შეუტყობინებლობას ედავება.
