აშშ-ში გაზეთის რედაქციაში სროლის შედეგად ხუთი ადამიანი გარდაიცვალა. რამდენიმე მძიმედაა დაჭრილი. განაცხადა გამართულ ბრიფინგზე ქალაქის პოლიციის წარმომადგენელმა.
სროლა მერილენდის შტატში გამომცემლობა „Capital Gazette“-ში მოხდა. პოლიციამ გაზეთის რედაქციაში გარდაცვლილი პირების სახელები დაასახელა - უენდი უინტერსი, რებეკა სმიტი, რობერტ ჰაიასენი, ჯერელ ფიშმანი და ჯონ მაკნამარა.
მანამდე ჟურნალისტმა და მწერალმა კარლ ჰაიასენმა განაცხადა, რომ მისი ძმა რობერტიც იყო გაზეთის რედაქციაში დაღუპულთა რიცხვში.
„როგორც მე მესმის ყველა გარდაცვლილი გაზეთის თანამშრომელია“ - აცხადებენ პოლიციის წარმომადგენლები.
ეჭვმიტანილის ვინაობა დასახელებული არ იქნა. თუმცა, მედია ავრცელებს ინფორმაციას რომ ის ჯეროდ უორენ რამოსია.
რამოსი მრავალი წლის მანძილზე უშედეგოდ დაობდა გაზეთთან და ლანძღავდა მის თანამშრომლებს ინტერნეტის საშუალებით. შესაბამისად გაზეთის თანამშრომლებზე თავდასხმის მიზეზი შესაძლოა შურისძიება იყოს.
