თბილისის სააპელაციო სასამართლოში დღეს, 28 ივნისს 14:00 საათზე საქართველოს ყოფილი პრეზიდენტის, მიხეილ სააკაშვილის სასამართლო პროცესი გაიმართება.
დღევანდელ პროცესზე მხარეები დასკვნით სიტყვებს წარმოთქვამენ.
სააკაშვილის ადვოკატმა 2018 წლის 5 იანვარს, თბილისის საქალაქო სასამართლოს მიერ ყოფილი პრეზიდენტისთვის გამოტანილი გამამტყუნებელი განაჩენი გაასაჩივრა.
ცნობისთვის, სააკაშვილს სანდრო გირგვლიანის მკვლელობის საქმეში სამსახურეობრივი უფლებამოსილების ბოროტად გამოყენებაში ჰქონდა ბრალი წაყენებული.
