ხვალ, 26 ივნისს პრემიერ-მინისტრი მთავრობის ახალი სტრუქტურის პრეზენტაციას გამართავს.
„ჩვენ ხვალ ჩავატარებთ მთავრობის სხდომას, სადაც დეტალურად ვისაუბრებთ, როგორი ახალი სტრუქტურით წარვსდგებით პარლამენტის წინაშე. შემიძლია დავადასტურო, რომ სამინისტროების რაოდენობა არ იქნება 11-ზე მეტი. როგორც განვაცხადე, ეს არის ოპტიმალური რაოდენობა იმისთვის, რომ ეფექტურად გავუმკვლავდეთ არსებულ გამოწვევებს, – განაცხადა მამუკა ბახტაძემ.
შეგახსენებთ, რომ მთავრობაში სტრუქტურული ცვლილებების შესახებ პრემიერ-მინისტრმა საპარლამენტო უმრავლესობის წარმომადგენლებთან რამდენიმე კონსულტაცია გამართა.
