ღამის კლუბ „ბასიანში“ შინაგან საქმეთა სამინისტრო შევიდა. ამის შესახებ ინფორმაციას კლუბის ერთ-ერთი დამფუძნებელი, ზვიად გელბახიანი ავრცელებს.
„ბასიანის ოფისში შსს შემოვიდა. ჩხრეკენ ოფისს. მიაქვთ ყველა დეკლარაცია. როგორც ჩანს შოუ არ დამთავრებულა“, - აცხადებს გელბახიანი.
შინაგან საქმეთა სამინისტროში კი, "ჯი-ეიჩ-ენს" განუცხადეს, რომ კლუბში ჩხრეკა არ მიმდინარეობს. მათივე განმარტებით, ორივე მხარის შეთანხმებით გარკვეული დოკუმენტების ამოღება ხდება და შესამისი ოქმი გაფორმდება.
