დღეს, 10:00 საათზე, პარლამენტის დროებითი საგამოძიებო კომისია პირველ დეკემბერს, ხორავას ქუჩაზე მოზარდების მკვლელობის საქმეზე ახსნა-განმარტებებს მოუსმენს.
როგორც კომისიის ხელმძღვანელი, სერგი კაპანაძე აცხადებს, ეს მისთვის საპასუხისმგებლო საქმეა და იმედოვნებს, რომ თავს წარმატებულად გაართმევს.
"ეს არის ალბათ ყველაზე საპასუხისმგებლო საქმე, რომელიც მე როდესმე დამვალებია. იმედი მაქვს, რომ ზუსტად ასევე ფიქრობენ კომისიის სხვა წევრებიც. დარწმუნებული ვარ, რომ ამ საქმეს გავართმევთ თავს და ბოლომდე ავხდით ფარდას, თუ რა მოხდა ხორავას ქუჩაზე და შემდეგ სამართალდამცავ სტრუქტურებში, რამაც გამოიწვია უამრავი პასუხგაუცემელი კითხვა საზოგადოებაში", - აცხადებს კაპანაძე.
დროებით საგამოძიებო კომისიას თბილისში, პარლამენტის საკონფერენციო დარბაზში (B კორპუსი, IV სართული, ოთახი N410) - მოუსმენენ.
