გურიის სოფელ დაბა ლაითურში ებრაელი ბიზნესმენის სახლი დააყაჩაღეს. შემთხვევა წუხელ ღამით მოხდა.
არსებული ინროფმაციით, ბოროტმოქმედები სასოფლო ინვენტარით, ნაჯახით, უროთი და ჩაქუჩით იყვნენ შეიარაღებულები. ნაცემია ბიზნესმენი და მისი მეუღლე.
ებრაელ ბიზნესმენს სოფელ დაბა ლაითურში რამდენიმემილიონიანი ინვესტიცია აქვს განხორციელებული. როგორც ის აცხადებს, ეს მასზე თავდასხმის პირველი შემთხვევა არ არის და გამოძიებას უნდობლობას უცხადებს.
დამნაშავეებმა სახლიდან ოქროს სამკაული და 20 ლარი წაიღეს.
მომხდარზე გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს. ამ ეტაპზე სამართალდამცველები სხვადასხვა საგამოძიებო მოქმედებებს ატარებენ.
