ბათუმის საქალაქო სასამართლოში ამ წუთებში დასრულდა, სადაც გუშინ, 4 წლის ბავშვის მკვლელობაში ბრალდებული ქალის საქმე განიხილებოდა. მოსამართლის გადაწყვეტილებით, ბრალდებულს აღკვეთის ღონისძიების სახით, პატიმრობა შეეფარდა.
მკვლელობა 14 ივნისს, გვიან ღამით მოხდა. დილით კი ბავშვის ცხედარი სავარაუდო დამნაშავემ პოლიციის განყოფილებასთან დატოვა. მალევე დამნაშავე პოლიციამ აიყვანა, თვითმხილველების ინფორმაციით, შემთხვევის ადგილიდან მტკიცებულების სახით სამართალდამცველებმა სისხლიანი ზეწარი და დანა ამოიღეს ნაგვის ყუთიდან.
შინაგან საქმეთა სამინისტრო საქმეს განზრახ მკვლელობის მუხლით აწარმოებს. არც ბრალდებული და არც მოკლული 4 წლის ბავშვი საქართველოს მოქალაქეები არ არიან.
გავრცელებული ინფორმაციით, გარდაცვლილი ბავშვის დედა სხვა ქვეყანაში იმყოფება, არასრულწლოვანი კი მეგობართან ჰყავდა ბათუმში დატოვებული.
ბრალის დამტკიცების შემთხვევაში ბავშვის განზრახ მკვლელობაში ბრალდებულს 12-დან 19 წლამდე პატიმრობა ემუქრება.
