კანადის მოსახლეობამ ბოიკოტი მოუწყო აშშ-ში წარმოებულ საქონელს, რომელიც მათ ქვეყანაში იყიდებოდა. ასე რეაგირებენ კანადელები „სიტყვიერ ომზე“, რომელიც ორი ქვეყნის ლიდერს შორისაა გამართული.
კანადელებმა უარი განაცხადეს ფლორიდიდან შემოსული ფორთოხალის ყიდვაზე, ასევე კენტუკიდან შემოსულ ბურბონზე და კალიფორნიულ ღვინოზე.
კანადის ტელევიზია ამ მოძრაობას პატრიოტულს უწოდებს და ხსნის, რომ კანადელები ასე რეაგირებენ სიტყვიერ ომზე, რომელიც დიდი შვიდიანის სამიტის დასრულების შემდეგ გაიმართა აშშ-ის პრეზიდენტ დონალდ ტრამპსა და კანადის პრემიერ-მინისტრ ჯასთინ ტრიუდოს შორის.
შეგახსენებთ, აშშ-ის პრეზიდენტი დონალდ ტრამპი სამიტის შეხვედრის შემდეფ აკრიტიკებდა ევროკავშირს და კანადის ხელისუფლების ლიდერს. დიდი შვიდიანის შეხვედრა კანადაში საკმაოდ სკანდალური აღმჩნდა, შეხვედრის შედეგი იყო დემარში - ტრამპმა უარი განაცხადა საბოლოო კომუნიკეს ხელის მოწერაზე.
