გერმანიის კანცლერმა, ანგელა მერკელმა მხარი დაუჭირა რუსულ ამერიკული სამიტის ჩატარებას. წერს სააგენტო "Bloomberg"-ი.
რუსეთის პრეზიდენტი ვლადიმერ პუტინი არ იყო მოწვეული დიდი შვიდიანის სამიტზე, რომელიც კანადაში გაიმართა, თუმცა აშშ-ის პრეზიდენტმა დონალდ ტრამპმა კვლავ შესთავაზა დიდი შვიდიანის ქვეყნებს რუსეთის მათ შემადგენლობაში დაბრუნების შესახებ.
„მე მხარს ვუჭერ, რომ ორმა პრეზიდენტმა ჩაატაროს ხანგრძლივი შეხვედრა“ - ციტირებს სააგენტო მერკელის სიტყვებს, რომელიც მან ტელეარხ "ARD"-თან ინტერვიუში განაცხადა, თუმცა აღნიშნა, რომ „დონალდ ტრამპის არგუმენტები, რუსეთის დიდ შვიდიანში დაბრუნებასთან დაკავშირებით, არადამაჯერებელია“.
