5 ივნისს, 10:30 საათზე საქართველოს დამსაქმებელთა ასოციაციის ორგანიზებით, ბიზნეს სექტორი სოფლის მეურნეობის სამინისტროს, სურსათის ეროვნული სააგენტოს წარმომადგენლებს შეხვდება სახელმწიფო სტრუქტურის მიერ დაგეგმილი სიახლეების გასაცნობად.
შეხვედრის მთავარი თემა იქნება, დაინტერესებული კომპანიებისთვის სურსათის ეტიკეტირების მოქმედ წესში (საქართველოს მთავრობის #301 დადგენილება) დაგეგმილი ცვილილებების შესახებ ინფორმირება. აღნიშნული ცვლილებები ძალაში შევა მიმდინარე წლის 1 სექტემბრიდან.
ამასთან, კომპანიების წარმომადგენლებს ექნებათ შესაძლებლობა კითხვა-პასუხის რეჟიმში მიიღონ კომპეტენტური ინფორმაცია მათთვის საინტერესო იმ პრობლემური საკითხების შესახებ, რომლებიც შეეხება სურსათის ეროვნული სააგენტოს საქმიანობის სფეროს.
შეხვედრას, რომელსაც დაახლოებით 50 კომპანიის წარმომადგენელი დაესწრება, გახსნიან საქართველოს დამსაქმებელთა ასოციაციის აღმასრულებელი დირექტორი ლაშა ლაბაძე და სურსათის უვნებლობის დეპარტამენტის ხარისხის მართვისა და აღიარების სამმართველოს უფროსი კახა სოხაძე.
