პარლამენტის თავმჯდომარის, ირაკლი კობახიძის, განცხადებით, ყველა შესაბამისი ზომა იქნა მიღებული იმისათვის, რომ სტრასბურგის სასამართლოში საქართველოს სასარგებლოდ იყოს გადაწყვეტილება მიღებული.
ამის შესახებ განცადება პარლამენტის თავმჯდომარემ დღეს ჟურნალისტებთან გააკეთა.
„პარლამენტი დაიტერესდა ამ საქმის მიმდინარეობით, ჩვენ გვქონდა საგანგებო შეხვედრა ამასთან დაკავშირებით იუსტიციის მინისტრთან, მთავრობის წრმომადგენლებთან. განვიხილეთ თითოეული დეტალი, მათ შორის განვიხილეთ ის, თუ როგორ არის ჩვენი ქვეყნის არგუმენტები მომზადებული და რა სახის მტკიცებულებებია წარმოდგენილი. დავრწმუნდით, რომ ყველა შესაბამისი ზომა იქნა მიღებული, რომ საქართველოს სასარგებლოდ იქნას მიღებული გადაწყვეტილება სტრასბურგის სასამართლოში. პარლამენტი რა თქმა უნდა ამ პროცესს დააკვირდება,“ - აღნიშნა ირაკლი კობახიძემ.
