“ძალიან ბევრი პოზიცია დაახლოვდა. მაგრამ დეტალებზე აუცილებელი იქნება დამატებითი კონსულტაციები,“ - ეს განცხადება პარლამენტის ჯანდაცვის კომიტეტის თავმჯდომარემ, აკაკი ზოიძემ გააკეთა.
მისი თქმით, საპარლამენტო უმრავლესობის სხდომაზე, რომელსაც „ქართული ოცნების“ თავმჯდომარე, ბიძინა ივანიშვილიც ესწრებოდა, ნარკოპოლიტიკის თემაზე მნიშვნელოვანი მსჯელობა გაიმართა.
“პრინციპული დაპირისპირება არც ეხლა გამოიკვეთა, მაგრამ ჩვენ დრო დაგვჭირდა იმისათვის, რომ საბოლოოდ შევჯერდეთ. 7 ივნისამდე კანონოროექტთან დაკავშირებით შეჯერებული პოზიცია უნდა გვქონდეს,“ - განაცხადა აკაკი ზოიძემ. თუმცა, დეტალებს ისევ არ აკონკრეტებს, რისთვის სჭირდებათ დრო და კონკრეტულად რა არის შეთანხმებული.