პარლამენტის ვიცე-სპიკერი, თამარ ჩუგოშვილი, აცხადებს, რომ ბიძინა ივანიშვილი, რომელიც „ქართული ოცნების“ ცენტრალურ ოფისში მიმდინარე უმრავლესობის სხდომას ესწრება, დეპუტატებს ნარკოპოლიტიკასთან დაკავშირებით საბოლოო გადაწყვეტილების მიღებაში ეხმარება.
ამის შესახებ განცხადება თამარ ჩუგოშვილმა ჟურნალისტებთან გააკეთა, თუმცა, ის არ საუბრობს იმაზე, ივანიშვილი თავად კონკრეტულად რომელ პოზიციას უჭერს მხარს.
„ნარკოპოლიტიკის რეფორმა ის თემაა, რომელზეც აზრთა სხვადასხვაობებია უმრავლესობის შიგნით,ეს საიდუმლო არ არის ეს და საჯაროთაც კარგად ჩანს. ჩვენთვის მისი მონაწილეობა ამ პროცესში იმიტომ არის მნიშვნელოვანი, რომ ეს ძალიან განსხვავებული არგუმენტები პოზიციები, მოსაზრებები დაახლოვდეს და მივიდეთ ადეკვატურ და ჩვენი ქვეყნისთვის საჭირო გადაწყვეტილებასთან. მისი ძირითადი როლი ამ შეხვედრაში არის პოზიციების დამაახლოვებლის როლი, სხვადასხვა პოზიციებს ისმენს და შესაბამისად გვეხმარება საბოლოო გადაწყვეტილებამდე მისვლაში,“ - აღნიშნა თამარ ჩუგოშვილმა.
„ქართული ოცნების“ ოფისში საპარლამენტო უმრავლესობის შეხვედრა მიმდინარეობს, სადაც ნარკოპოლიტიკის თემაზე მსჯელობენ. შეხვედრას ბიძინა ივანიშვილის ესწრება.
