პარლამენტის იუდრიდიულ საკითხთა კომიტეტის თავმჯდომარე, უმრავლესობის წარმომადგენელი ეკა ბესელია აცხადებს, რომ ნარკოპოლიტიკასთან დაკავშირებით 7 ივნისამდე, როდესაც ნარკოპოლიტიკასთან დაკავშირებით საკანონდებლო ცვლილებების განხილვა უნდა დაიწყოს, რამდენიმე შეხვედრა გაიმართება.
ამის შესახებ განცხადება ეკა ბესელიამ დღეს პარლამენტში ჟურნალისტებთან საუბრისას გააკეთა.
„ნარკოპლიტიკა რომელიც უნდა დაეფუძნოს ზიანის შემცირებასა და ზრუნვის პოლიტიკას სჭირდება კარგი დაგეგმვა. მათ შორის ფინანსური თვალსაზრისით. ამიტომ აუცილებელია მთავრობასთან შეთანხმება და დაგვჭირდება რამდენიმე შეხვედრის გამართვა. მთავრობასთან ერთად უდნა შეჯერდეს პოზიცია, რომელიც ეხება სასჯელების პროპორციულობის საკითხს და ნარკოტიკული ნივთიერებების ოდენობის დაზუსტებას“ - აცხადებს ეკა ბესელია.
შეგახსენებთ, რომ 7 მაისს საპარლამენტო უმრავლესობის წარმომადგენელთა მოთხოვნით, ერთი თვით გადაიდო ნარკოლიბერალიზაციის კანონპრეოქტთა პაკეტის განხილვის დაწყება. მიზეზად პოზიციების შეჯერება დასახელდა. 7 ივნისს კი ეს ერთთვიანი ვადა იწურება. ნარკოპოლიტიკის ლიბერალიზაციის შესახებ პროექტი ჯანდაცვის კომიტეტის თავმჯდომარის, აკაკი ზოიძის მიერ არის მომზადებული. ჯერ კიდევ შარშან მისი განხილვა დაიწყო, თუმცა უკვე ერთი წელია გაგრძელება ვერ ხერხდება, უმრავლესობის შიგნით არსებული პოზიციების სხვადასხვაობის გამო.