ფინანსთა მინისტრი კახა ბაინდურაშვილი დღეს ფოთში იმყოფებოდა, სადაც ფოთის თავისუფალ ინდუსტრიულ ზონაში მიმდინარე სამუშაოებს გაეცნო.
ბაინდურაშვლმა საბაჟო ინფრასტრუქტურის მშენებლობის პროცესიც დაათვალიერა და თავისუფალ ინდუსტრიულ ზონაში მშენებარე საბაჟო პუნქტი მოინახულა. მისი განცხადებით, ფოთში საბაჟო ტერმინალიც აშენდება.
,,ეს იქნება ერთ-ერთი ყველაზე დიდი ტერმინალი საქართველოში. დარჩენილია მხოლოდ მცირედი, შიდა სამუშაოები და ტერმინალი შემოდგომაზე უკვე მზად იქნება. ძალიან კმაყოფილი ვარ მშენებლობის ტემპებით. ფოთი, ამ მხრივ, მთავარი ლოჯისტიკური არტერიაა და ის მომავალში კიდევ უფრო გაძლიერდება. აქ დიდი საბაჟო ინფრასტრუქტურის არსებობა ძალიან მნიშვნელოვანია~, - განაცხადა ბაინდურაშვილმა.
საბაჟო ტერმინალი, სავარაუდოდ, სექტემბრის ბოლოს უკვე მზად იქნება, იგი როგორც ინდუსტრიულ ზონას, ისე კერძო პირებსაც მოემსახურება.
შეხვედრის დასრულების შემდეგ, კახა ბაინდურაშვილმა ფოთის პორტის აკვატორია დაათვალიერა.