დაახლოებით ორმოცდაათამდე ქვებითა და დუბინკებით შეიარაღებული მიგრანტი თავს დაესხა ფრანგული სპეცრაზმის პოლიციელებს, ქალაქ კალეში. შეტაკებისას ორი სპეცრაზმის თანამშრომელი დაშავდა. იუწყება არხი BFMTV.
თავდასხმა სამრეწველო ზონასთან ახლოს, ყოფილ უდიდეს მიგრანტულ ბანაკ „ჯუნგლების“ მახლობლად, შემოვლითი საპორტო გზის გვერდით მოხდა. სადაც ყოველ დღე საქველმოქმედო ორგანიზაცია მიგრანტებს საკვებით ამარაგებს.
ტელევიზია აზუსტებს, რომ იმავე დღეს ინცინდენტამდე სპეცრაზმის თანამშრომლები ატარებდნენ ბანაკიდან არალეგალი მიგრანტის გასახლების ოპერაციას.
აგრესიის გამო სამართალდამცავები იძულებული გახდნენ გამოეძახათ დამხმარე ძალები. მათ წინააღმდეგ გამოიყენეს ცრემლსადენი გაზი. მიგრანტებიდან არავინ დაშავებულა.
აღსანიშნავია, რომ კალეში მდებარეობდა მიგრანტების ყველაზე დიდი ბანაკი. ის 2016 წელს დაანგრიეს. თუმცა მიგრანტები კვლავ ჩამოდიან ამ რაიონში, რათა მოხვდნენ დიდ ბრიტანეთში.
