საპარლამენტო პარტი "იელქიმ" ოფიციალუურად წამოაყენა ნიკოლ ფაშინიანის კანდიდატურა ქვეყნის პრემიერ-მინისტრის თანამდებობაზე. ამის შესახებ ფრაქციის წევრმა, არარატ მირზოიანმა განაცხადა.
"დღეს ჩვენი ფრაქცია აწარმოებს შეხვედრას პარლამენტის სამ სხვა ფრაქციასთან, მათ შორის სომხეთის მმართველ რესპუბლიკურ პარტიასთან" - დასძინა მან.
პარლამენტარებმა გამოთქვეს იმედი, რომ, ყველა დეპუტატი, ვისაც ქვეყნის ბედი ადარდებს, ფაშინიანს დაუჭერს მხარს.
საპროტესტო მოძრაობის ლიდერის კანდიდატურას უკვე მხარი დაუჭირა მმართველი კოალიციის ყოფილმა პარტიამ, სომხეთის რევოლუციურმა ფედერაციამ „დაშნაკცუთუნმა“. ფაშინიანი ასევე მიიჩნევს, რომ რესპუბლიკური პარტიის ნაწილიც დაუჭერს მას მხარს.
ოპოზიციონერი ლიდერი - ერთადერთი კანდიდატია მთავრობის ხელმძღვანელის თანამდებობაზე. არჩევისთვის მას სჭირდება 105-დან 53 ხმის მოპოვება.
მას ხმა უნდა მისცეს არა მხოლოდ ფრაქცია „იელქმა“, ბლოკმა „ცარუკიანი" და „დაშნაკცუთუნმა“, არამედ სომხეთის მმართველი რესპუბლიკური პარიის ნაწილმაც.
ცნობისთვის, არჩევნები 1 მაისს დაინიშნა.
