სომხეთის ხელისუფლება, აქციის მონაწილეების მიმართ ძალისმიერი მეთოდების გამოყენებას გამორიცხავს, თუკი მათი ქმედებები არ დაემუქრება მოქალაქეთა სიცოცხლეს და ჯანმრთელობას.
ამის შესახებ განცხადება ქვეყნის იუსტიციის მინისტრის მოვალეობის შემსრულებელმა, დავიდ არუთუნიანმა, შაბათს გამართულ ბრიფინგზე გააკეთა.
ოპოზიციის მომხრეების მასიური აქციები უკვე ორი კვირაა გრძელდება. აქციებმა უკვე გამოიწვია ქვეყნის მეთაურის, სერჟ სარგსიანის თანამდებობიდან გადადგომა და პარლამენტის მმართველი კოალიციის დაშლა.
„ძალოვანი მეთოდების გამოყენებას ჩვენ გამოვრიცხავთ. მას მხოლოდ იმ შემთხვევაში გავითვალისწინებთ, თუკი მოხდება არეულობა, რაც საფრთხეს შეუქმნის მოქალაქეების სიცოცხლეს და ჯანმრთელობას“ - განაცხადა არუთუნიანმა.
მან აღნიშნა, რომ "ნებისმიერ მშვიდობიან დემონსტრაციას აქვს არსებობის უფლება და ჩვენ არ განვიხილავთ მის დაშლას, იქამდე ვიდრე მას მშვიდობიანი ხასიათი აქვს“ - ხაზი გაუსვა მინისტრმა.
