ევროზონის ქვეყნების ფინანსთა სამინისტროს საბჭომ შესაძლოა საბერძნეთი ფინანსური დახმარების პროგრამიდან გაიყვანოს.
საბერძნეთი 2010 წლიდან იღებს უცხოურ ფინანსურ დახმარებას. ამ ხნის მანძილზე სხვა ევროზონის ქვეყნებმა, მაგალითისთის, ირლანდიამ და პორტუგალიამ ასევე მიმართეს გარე დახმარებას. აღსანიშნავია, რომ მათ დახმარება მიიღეს და დატოვეს ის. საბერძნეთის შემთხვევაში საჭირო გახდა პირველი ორი მხარდამჭერი პროგრამის შემდეგ კვლავ დამატებითი გარე დახმარების გაწევა. ამჟამად მოქმედებს მესამე მხარდამჭერი პროგრამა, რომელიც ამ წლის აგვისტოს თვეში უნდა დასრულდეს გეგმის მიხედვით. აცხადებს ევროჯგუფის ხელმძღვანელი მარიო სენტენო.
"ჩვენ უკვე ვემზადებით საბერძნეთის პროგრამიდან გასვლისთვის. დღეს საბერძნეთმა წარმოადგინა მომავალი წლის ეკონომიკური ზრდის სტრატეგია. ეს გადამწყვეტია ქვეყნის მომავლისთვის" - განაცხადა სენტანომ პრესკონფერენციაზე.
ევროჯგუფმა ასევე განიხილა პროგრამის დასრულების სამართლებრივი ბაზა, რათა მოამზადოს ქვეყანა ამ ზაფხულს ფინანსური დახმარების შეწყვეტიდან წარმატებულად გასვლისკენ.
