ავიაკომანია flydubai 10-15 წლის განმავლობაში საკუთარი ავიაპარკის განახლებას გეგმავს. გეგმის თანახმად კომპანია თვითმფრინავების რაოდენობის მნიშვნელოვან ზრდასაც აპირებს.
მიმდინარე წელს ავიაკომპანია 4 ერთეულ Boeing-737 MAX 8-ს დაიმატებს.
ამ დროისათვის flydubai-მ თანამედროვე თაობის 6 ბორტი უკვე მიიღო და 2019 წლიდან ძველი თვითმფრინავების ჩანაცვლებას დაიწყებს.
როგორც ირკვევა ამ დროისათვის ავიაკომპანიის ავიაპარკში 61 ბორტია, წლის ბოლომდე 4 ერთეულს დაიმატებს. ხოლო 10-15 წლის განმავლობაში კომპანია 225 ერთეულ Boeing 737 MAX 8-ს შეიძენს.
უკვე ცნობილია, რომ ახალი თვითმფრინავების შეძენის შემდეგ ეკონომ კლასში ბილეთის ფასი არ შეიცვლება, თუმცა ბიზნეს კლასში ის აუცილებლად გაძვირდება.
