ყოფილი მთავარი პროკურორი, მურთაზ ზოდელავა გამოკითხვაზე დაიბარეს. ის მთავარ საგამოძიებო უწყებაში მოწმის სტატუსით 13:00 საათზე უნდა გამოცხადდეს.
ყოფილ მთავარ პროკურორთან კითხვები ბადრი პატარკაციშვილის ქონების ჩამორთმევის, ტელეკომპანია ,,იმედის’’ მაუწყებლობის ლიცენზიის შეჩერებასა და წილების დაუფლებასთან დაკავშირებით აქვთ.
„იმედის“ საქმეზე მიმდინარე გამოძიების ფარგლებში მთავარმა პროკურატურამ სისხლის სამართლებრივ პასუხისგებაში ორი დღის წინ, სპეციალური ოპერატიული დეპარტამენტის ყოფილი უფროსი ერეკლე კოდუა მისცა.
ცნობისთვის, 2007 წლის 7 ნოემბერს აქციის დარბევისა და ტელეკომპანია „იმედში“ შეჭრის საქმეზე უფლებამოსილების ბოროტად გამოყენებაში ბრალდებულები არიან: ყოფილი პრეზიდენტი, მიხეილ სააკაშვილი, ვანო მერაბიშვილი, ზურაბ ადეიშვილი და გიგი უგულავა.
