გაეროს უშიშროების საბჭოს წევრები, რუსეთის ინიციატივით, ღია ფორუმზე სირიასთან დაკავშირებით საკითხს პარასკევს დილით განიხილავენ. ასევე განიხილება ვაშინგტონის შესაძლო მოქმედებები დამასკოსთან დაკავშირებით.
13 აპრილს, ადგილობრივი დროით 10 საათზე შედგება ღია სხდომა გაეროს უშიშროების საბჭოსი თემაზე „მუქარა საერთაშორისო სამყაროს და უსაფრთხოება: სიტუაცია ახლო აღმოსავლეთში“.
როგორც ჟურნალისტებს გაეროში რუსეთის მუდმივმა წარმომადგენელმა ვასილი ნებენზიამ განუცხადა, ხუთშაბათს დღის პირველ ნახევარში, გაეროს შენობაში გაიმართა დახურული კონსულტაცია სირიასთან დაკავშირებით ბოლივიის ინიციატივით. თუმცა მიმდინარე დახურული სხდომა საკმარისი არ აღმოჩნდა.
„ის შეხვედრა რასაც ჩვენ ვგეგმავთ, ავალდებულებს გაეროს გენერალურ მდივანს მასზე დაესწროს, რადგან ჩვენ ნამდვილად ვიმყოფებით ძალზე სახიფათო სიტუაციაში, სიტუაციაში სადაც შედეგები არაპროგნოზირებადია და ჩვენ არ ვიცით თუ როგორ შეიძლება განვითარდეს მოვლენები“ - განაცხადა დიპლომატმა.
