არსებობს ე.წ. ლიბერალური, ფსევდოლიბერალური ძალები, რომლებიც თანაბრად ებრძვიან საქართველოს და აშშ-ის მოქმედ ხელისუფლებებს,- ამის შესახებ პარტია „ქართული ოცნება-დემოკრატიული საქართველოს" აღმასრულებელმა მდივანმა, პარლამენტის თავმჯდომარე ირაკლი კობახიძემ დღეს, ბრიფინგზე განაცხადა.
ირაკლი კობახიძე "Freedom House"-ს მიერ გამოქვეყნებულ ანგარიშს გამოეხმაურა.
„არსებობს ე.წ. ლიბერალური, ფსევდოლიბერალური ძალები, რომლებიც თანაბრად ებრძვიან საქართველოს დააშშ-ის მოქმედ ხელისუფლებებს. ამის საუკეთესო ილუსტრაციაა NDI-ს თბილისის ოფისის ხელმძღვანელობა, რომლისთვისაც საქართველოშ საკუთარი პრეზიდენტის შეურაცხყოფა ჩვეულებრივი მოვლენაა. მინდააღვნიშნო, რომ ამ ბრძოლას არავითარი საერთო არა აქვს ლიბერალიზმთან ამ სიტყვის კლასიკური გაგებით. ჩვენი ხელისუფლება არის ყველაზე ლიბერალური ხელისუფლება საქართველოს უახლოეს ისტორიაში. ჩვენვეყრდნობით ისეთ ფასეულობებს როგორიცაა დემოკრატია, სამართლებრივი სახელმწიფო, ადამიანისუფლებების განუხრელი დაცვა, სამართლიანობა, თანასწორობა და შემწყნარებლობა. ამავდროულად ჩვენთვის მიუღებელია ფსევდოლიბერალიზმი და ის ძალები, რომლებიც უპირისპირდებიან ჩვენ ეროვნულთვითმყოფადობას, ტრადიციებს და ქართულ ეკლესიას",- აღნიშნა პარლამენტის თავმჯდომარემ.
ირაკლი კობახიძემ განაცხადა, რომ „საქართველოში აუცილებლად გაგრძელდება დემოკრატიის პროცესი, რაც საბოლოოდ უზრუნველყოფს ევროპული სტანდარტის დემოკრატიული სისტემის ჩამოყალიბებას საქართველოში".
