აშშ-სა და რუსეთს შორის რბილი პოლიტიკის დრო წავიდა - განაცხადა აშშ-ს ცენტრალური სადაზვერვო სამსახურის დირექტორმა და სახელმწიფო მდივნის კანდიდარმა მაიკლ პომპეომ.
"რუსეთი აგრესიულ ქცევებს განაგრძობს, რაშიც ხელს უწყობს მრავალწლიანი რბილი პოლიტიკა ამ აგრესიასთან დაკავშირებით. ეს დრო დასრულდა. ჩვენი ადმინისტრაციის მოქმედების სია მიმართულია იქით, რომ გაუზარდოთ ფასი ვლადიმერ პუტინს - განაცხადა პომპეომ.
რუსეთთან ურთიერთობაში პომპეომ დაასახელა სანქციები: დიპლომატების გაწვევა, ამერიკული ჯარის გაძლიერება და ბირთვული ძალების შეკავება. ასევე „მამაცი, ახალგაზრდების შეიარაღება, რომლებიც ეწინააღმდეგებიან რუსული ექსპანსიის პოლიტიკას უკრაინასა და საქართველოში. ეს სია გაცილებით გრძელია და მე დარწმუნებული ვარ, რომ მექნება საშუალება მასში დამატებების შეტანის“ - აცხადებს პომპეო.
"თუმცა, დღევანდელი ადმინისტრაციის მოქმედებები ნათლად მიგვითითებენ, რომ დონალდ ტრამპის ეროვნული უსაფრთხოების სტრატეგიამ სამართლიანად უწოდა რუსეთს ჩვენი ქვეყნის საფრთხე. ჩვენი დიპლომატიური ურთიერთბები რუსეთთან რთული იქნება, მაგრამ ისევე როგორც მოსკოვთან კონფრონტაციის წინა შემთხვევისა, ისინი უნდა გაგრძელდეს - დასძინა მან.
