საფრანგეთის სამხედრო საჰაერო ძალების თვითმფრინავმა Mirage 2000-მა ბომბი შემთხვევით ქარხანაზე ჩამოაგდო. იუწყება France Bleu.
ინციდენტი სამშაბათს ლუარეს დეპარტამენტში მოხდა. საფრანგეთის საჰაერო ძალების ორი თვითმფრინავი დასახლებულ პუნქტზე მიფრინავდა, როცა ერთ-ერთმა მათგანმა შემთხვევით ბომბი დაკარგა. ის პირდაპირ კომპანია „Faurecia“-ს ქარხანას დაეცა. შედეგად ორი ადამიანი დაშავდა.
როგორც საფრანგეთის სამხედრო საჰაერო ძალები განმარტავენ, ბომბი სასწავლო დანიშნულების იყო და არ შეიცავდა ასაფეთქებელ ნივთიერებებს. წესით მისი ჩამოგდება პოლიგონზე იყო დაგეგმილი.
