2018 წლის პირველ კვარტალში ბათუმის საერთაშორისო აეროპორტს მგზავრთნაკადი 55%-ით გაეზარდა, რაც ქვეყნის სხვა წამყვანი აეროპორტების ზრდის მაჩვენებლებთან შედარებით მაღალი მონაცემებია.
ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანების“ ინფორმაციით, 2018 წლის იანვარ-მარტში ბათუმის საერთაშორისო აეროპორტი 36 ათას 762 მგზავრს მოემსახურა, რაც იმას ნიშნავს, რომ საანგარიშო პერიოდში 2017 წლის ანალოგიურ პერიოდთან შედარებით მგზავრთნაკადის 55%-იანი ზრდა ფიქსირდება.
სტატისტიკური ინფორმაციის მიხედვით, 2017 წლის იანვარ-მარტში ბათუმის საერთაშორისო აეროპორტი 23 ათას 696 მგზავრს მოემსახურა, 2016 წლის იანვარ-მარტში კი 20 ათას 751 მგზავრს.
შესაბამისად 2017 წლის იანვარ-მარტში, 2016 წლის იანვარ-მარტის მონაცემებთან შედარებით 15%-იანი ზრდაა დაფიქსირებული.
