თუ დააკვირდებით, ბატონი გედი ფოფხაძე თითქმის არასდროს დადის კომიტეტზე, ასე რომ, განსაკუთრებული დღესაც არაფერი ხდება, - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძემ განაცხადა.
კილაძის განცხადებით, მისი პირველი მოადგილე გედევან ფოფხაძე დღევანდელ სხდომას ბაქოში ვიზიტის გამო არ ესწრება, თუმცა კომიტეტის სხდომებზე სხვა დროსაც არ დადის. მისივე თქმით, სხვა შემთხვევებში სხდომებზე არდასწრებისთვის იყო მისთვის ოჯახური მიზეზები
კილაძის თქმით, ფოფხაძის მიერ გავრცელებულ ინფორმაცია, რომ საპარლამენტო უმრავლესობის სხდომაზე შეთანხმდნენ, მხარი არ დაეჭირათ საზოგადოებრივი მაუწყებლის სამეურვეო საბჭოში ნინია კაკაბაძის კანდიდატურისთვის, თუმცა კენჭისყრამდე რამდენიმე წუთით ადრე სხვა მითითება მიიღეს, უარყო.
მისივე თქმით, ნინია კაკაბაძის კანდიდატურას არც ახლა ემხრობა. როგორც კილაძე აღნიშნავს, ნინია კაკაბაძე გაატარებს "ნაციონალური მოძრაობის" და არა ეროვნულ ინტერესებს.
"მე მგონია, "ნაციონალებზე" მეტი ნინია კაკაბაძეს არ დაუშავებია ეკლესიის და ქვეყნის წინაშე, მაგრამ სამწუხაროდ, გარკვეულმა რაოდენობამ ჩვენი მოსახლეობის მისცა ხმა "ნაციონალურ მოძრაობას", ის არის ოპოზიცია და აქვს თავისი კვოტა", - აღნიშნა სოფო კილაძემ.
